Bilha

Bilha
Dinasyddiaeth	Cymeriad Beiblaidd
Galwedigaeth	gweithiwr domestig
Priod	Jacob
Plant	Dan, Naphtali

Mae Bilha (בִּלְהָה "dibryder") yn fenyw a grybwyllir yn Llyfr Genesis.^[1] Mae Genesis 29:29 ^[2] yn ei disgrifio fel morwyn Laban, a roddwyd i Rahel i fod yn forwyn ar adeg priodas Rahel â Jacob. Pan fethodd Rahel â chael plant, rhoddodd Bilha i Jacob fel gordderchwraig i esgor ar blant iddo.^[3] Rhoddodd Bilha enedigaeth i ddau fab, yr honnodd Rachel eu bod yn blant iddi hi ei hun o'r enw Dan a Naphtali.^[4]

Dywedir bod Jacob wedi cael o leiaf ddeuddeg mab gan bedair merch, ei wragedd, Lea a Rahel, a'i ordderchwragedd, Bilha a Silpa, a oedd, yn nhrefn eu genedigaeth, Reuben, Simeon, Lefi, Jwda, Dan, Naphtali, Gad, Asher, Issachar, Zebulun, Joseph, a Benjamin,^[5] a daeth pob un ohonynt yn benaethiaid eu grwpiau teulu eu hunain, a elwid yn ddiweddarach, yn Ddeuddeg Llwyth Israel. Mae'r Beibl hefyd yn nodi enw ferch iddo, Dina.

Yn Genesis 35:22 mae sôn am fab hynaf Jacob (oedd wedi newid ei enw i Israel erbyn hynny) yn cael perthynas rhywiol llosgach gyda Bilha.^[6] Oherwydd hyn rhoddwyd genedigaeth-fraint Ruben, y mab hynnaf i feibion Joseff.^[7]

1. ↑ Mathetes (1864) Geiriadur Beiblaidd a Duwinyddol Cyf 1 Tud 925 adalwyd 18 Awst 2020
2. ↑ Genesis 29:29
3. ↑ Genesis 30:3-5
4. ↑ Genesis 35:25
5. ↑ 1 Cronicl 2:1-2
6. ↑ Genesis 35:22
7. ↑ 1 Cronicl 5:1